Wie is ons?

Kiddi Beat is ‘n unieke Suid-Afrikaanse Musiekopvoedingsprogram wat kwaliteit musiekonderrig verskaf aan babas en kleuters tot aan die einde van die voorskoolse fase (graad R).

Die lesmateriaal is spesifiek saamgestel om die leerders aan 'n wye verskeidenheid musiek, sangstyle, kulture en tale wat die diversiteit van Suid-Afrika weerspieël, bekend te stel.

Kiddi Beat Musiekspesialiste is saamgestel vir musiekopvoedkundiges as ‘n besigheidsgeleentheid, en kan gebruik word in musiekstudios, sowel as in dagsorgsentrums en kleuterskole. Fasiliteerders word gekeur en geakkrediteer om die Kiddi Beat MSP program te kan aanbied.

"Ek kan sing, speel en dans"

Die leuse 'Ek kan sing, speel en dans' dui op die aktiewe betrokkenheid van leerders en ouers by die leergebeure in ‘n Kiddi Beat musiekles.

Deur doelgerigte en kreatiewe betrokkenheid by geselekteerde musiekaktiwiteite leer die kinders om musiek te verstaan en lief te kry.

Die leerders ontdek, vorm en ontwikkel musiekkonsepte deur:

sang
instrumentale spel
dans
beweging saam met musiek
die lees en skryf van musieknotasie
musiekbeluistering

Heelbreinontwikkeling

Musiek is ‘n medium om ontwikkeling in die volgende nie-musikale ontwikkelingsareas te bevorder:

aktiewe spel
storievertellings
taal- en leesvaardighede
lewensvaardighede
sosiale interaksie
gesyferdheid
sensoriese onderskeiding
ouditiewe onderskeiding
visuele onderskeiding
sywaartse beweging
spierontwikkeling
groot motoriese vaardighede
klein motoirese vaardighede
koördinasie

Daar word gefokus op die kind se ontwikkeling in totaliteit terwyl 'n liefde vir musiek spontaan gekweek word.

Die leerproses word dus 'n genotvolle interaktiewe leerervaring waardeur

heelbreinontwikkeling

gestimuleer word.

Wat maak Kiddi Beat Musiekspesialiste uniek?

Geskryf en saamgestel deur gesaghebbende Suid-Afrikaanse musiekopvoeders.
Aanbieding en inhoud in Afrikaans / Engels
Teiken spesifiek die Suid-Afrikaanse kind
Bekostigbaar
Groot omvang en verskeidenheid van programme

Kurrikulumontwikkeling

Die struktuur van die programme vir al die ouderdomsgroepe is op die spiraalkurrikulum-ontwerp gebaseer:

Die spiraal is 'n simbool wat aandui dat leer nie net 'n eenmalige ervaring is nie, maar 'n proses waarin gevarieerde herhaling in toenemende vlakke van kompleksiteit plaasvind. Die kinders leer deur te sing, speel en dans.

Die lesmateriaal van al die ouderdomsgroepe is gebaseer op 'n oorkoepelende tema wat oor 10 weke (een skoolkwartaal) strek.
In elke ouderdomsgroep is 'n kleiner en meer gedetailleerde spiraal wat aangepas word tot die ontwikkelingsvaardighede en mylpale van die spesifieke ouderdom kinders.
Kiddi Beat Musiekspesialiste materiaal is in die praktyk getoets en aangepas vir beide die studio en kleuterskool (voor finale publikasie).

Watter voordele hou dit vir my kind in?

Die doelstellings van Kiddi Beat Musiekspesialiste is om:

Die kind in totaliteit te ontwikkel deur middel van aktiewe deelname aan sang, instrumentale spel, beweging, beluistering en die lees en skryf van musiek op 'n kreatiewe manier.
Die vorming van musiekkonsepte te fasiliteer. Dit vermeerder die kind se aandagspan en dra by tot sy/haar probleemoplossings- en sosiale vaardighede terwyl 'n liefde vir musiek gekweek word.
Die jong kind voor te berei vir die leergebeure in die grondslagfase, naamlik geletterdheid, gesyferdheid en lewensvaardighede.
'n Natuurlike liefde vir musiek te kweek deur bekendstelling aan 'n verskeidenheid musiekstyle en tradisies.
'n Basis te skep wat die jong kind sal motiveer tot lewenslange betrokkenheid in musiek en die Kunste.
Musiekpotensiaal te ontwikkel en te versterk.

Ouderdomme

Die ouderdomsgroepe waarvoor die Kiddi Beat Musiekspesialiste program geskryf is korreleer met die olifantlogo’s. Elke logo verteenwoordig 'n spesifieke ouderdomsgroep:

Babas, 3 maande tot ±1 jaar (totdat hul onafhanklik kan loop)

±1 tot 2 jaar (sodra hul onafhanklik kan loop)

2 tot 3 jaar

3 tot 4 jaar

4 tot 5+ jaar

Administrasie & Oriënteringspakket